Treffen sich zwei Impf-Junkies vor dem Impfzentrum

„Tschou Käthy.“

„Eh Sälü Vreni. Das isch de schön di hie ds träffe.“

„Ja Käthy, früecher heimr nis aube no vorem Kaffi troffe gäu.“

„Eh Vreni, Zyte di ändere sech haut gäu. Wie geits de dir?“

„Du merci mir geits guet, itz hani gad mini dritti Dosis becho.“

„Ah botz, wunderbar. I ha o scho drei intus. Bi vor drü Wuche ga boostere. Das Züg isch guet gäu?“

„Ja wii-verruckt, mir isch zwe Wuche hundseländ gange, wie no niä. Aber füre Dienscht vor Gsellschaft nimmi das gärn i Chouf.“

„Uh ja säg nüt, mir zwöi si scho immer solidarisch gsy gäu.“

„Du seisches. Mir schütze nis u schütze nis, u zwar bis zum bittere Ändi. Eifach di Ungimpftä, di verdammte Egoischte, nume wäg dene isch das Ganze no nid verbi.“

„Ja di äxtravagante Paradiesvögu, Himmutonner no einisch! We doch nume aui zwöimau gimpft wäre. U haut no es dritts u es vierts Mau. Es wär niemer meh chrank, niemer würd me stärbe uf dere Ärde u aui Problem wäre im Nu glöst.“

„Genau so isches, Käthy. Ä so u nid angers.“

„Los itz Vreni, chum hurti chli necher, i muess dr no öpis ids Ohr chüschele.“

„Vrzeu Käthy.“

„Letscht mau hani bi Pfizer u Moderna aklopfet, ha dene es Briefli gschribe ob si mer nid für nes Nötli es paar Dösli chöi la zuecho, weisch so für zwüschdüre. Gestern hani sä becho. Wed mau Luscht hesch, de träffe mer üs bi mir im Chämmerli unge u de gäbe mer üs no chli Stoff.“

„Ouu das tönt guet Käthy, das isch sehr guet ds wüsse, i fröie mi scho! U imfau: Fredu het sech dr ultimativ Kick o gä. Är het sit de Impfige immer chli großi, glasigi Ouge u isch öpe chli verwirrt, aber sit denn louft’s de wieder tiptop bi üs im Bett. Dä Cheib geit ap wines Zäpfli.“

„Isch wahr? Vreni, I gloube das isch dr 12GB DDR Ram wo im Impfstoff dinn isch das dä so viu sprütziger isch. Wiu Küdä wot de gar nid. Dä isch nume uf Telegram am umeschnüffle. Mit sine blöde Verschwörigstheorie. Letscht mau hetr mer gseit das chönn doch nid sy das itz di Gschützte vor de Ungschützte müesse gschützt wärde, indäm mä die Ungschützte zwingt sech mit däm Schutz ds schütze wo die Gschützte ja gar nid schützt. När hetr no öpis gseit das sig Genverändernds Züg, gar ke Impfig. I bi nüm drus cho was är het wöue säge u ha de lieber Tagesschou gluegt u d’Bärner Zitig gläse, det steit sowieso aus dinn wot muesch wüsse.“

„Da hesch rächt. Mir chöi ja froh si heimer no Medie i däm Land wo gänzlech unabhängig sy u ar Regierig chli uf d’Finger luegt. Und uf d’Tagesschou hüt Abe fröii mi o scho wieder. Das git mer immer so ä positivi Energie dert ds gseh was aues Schöns passiert uf dere Wäut, das mir imne funktionierende Rächtsstaat läbe mit wahrhaftige, ufrichtige Politiker u das hiezuland gwüss no aues mit rächte Dinge zue und här geit.“

„Genau, mir stö ja würklech guet da ir Schwiz, üs geits guet u es söu ja kenne jammere. U sowieso, füehle mer nis gsägnet das üs d’Obrigkeit sit zwöi Jahr so guet tuet schütze. Mä gspürt dases nä würklech nid um ds Gäud oder um Machtuswitig geit, sondern einzig und allei um ds Wohl vo üs Mönsche.“

„Ja, das isch immer schön ds gseh we sech d’Pharma-Industrie u d’Milliardäre vo dere Wäut zämetüe um üs ds rette, mängisch hani ds Gfüeu di meines fasch ä chli zu guet mit üs… (I däm Momänt louft am Vreni a Fröideträne über ds Oug ds dürab…)

„Ohhh Vreni. Letscht mau hani es Interview gseh vom Gates Billy u vom Schwab Chlöisu, das si eifach zwe sympathischi Bursche, denä chönnti stundelang zuelose.“

„Wär isch das dr Chlöisu, Käthy?“

„Weisch dr Chef vom WEF. Di Gmeinnützigi Organisation wo aube ds Davos obe taget.“

„Aha.“

„Du wie geits eigetlech dä Chind?“

„Du mou es geit. Dr Nico grännet öpe am Abe, wiu är Angscht het vorem teschte. Aber i hanim gseit das sig gwüss nid so schlimm, da muess är itz eifach düre ä so wie aui angere o. U ar Janine macht d’Maske chli ds schaffe. Es machi se truurig weme Gsichter vo de Mönsche nüm gsächi, das chämere so unheimlech vor. Aber i ha de gmeint si söu sech itz nid so asteue, da gits gwüss schlimmers.“

„Ja du. Zum Bispiu mi Ungermieter. Dä het gestern am 9i am Abe no Musig glost woni bis zu mir id Wohnig ha ghört. Läck het mi das rumpusuurig gmacht, mit däm muessi de no gad es Hüehnli ga rupfe hüt.“

(Vreni ausser sich): „Am Abe am 9i Käthy? Isch das wahr? Geits däm eigetlech no? Ä Frächheit settigs, säg ihm das nume. Di hütigi Jugend erloubt sech scho aues. Am Abe spät no müesse Musig lose u d’Nachbare störe. Eifach ungloublech.“

„Ja Vreni, es isch ä verruckti Wäut. So, das hetmi itz aso gfröit dir hie a däm schöne, dänkwürdige Ort übere Wäg ds loufe. Itz gani no schnäu ids Bio-Lädeli.“

„Ah geisch ids Bio-Lädeli nüm ids Coop?“

„Ja weisch mir isch wichtig dasi müglechst natürlechi, ungsprützti Läbesmittu issä.“

„Da hesch gwüss rächt, i luege ir letschti o immer meh druf dasi nume no Bio choufe. Isch mer scho sit paar Jahr wichtig guet zu mim Körper ds luege u ä natürlechi Ernährig, das macht scho viu us.“

„Jawohl, du seisches. U i ga när no schnäu ids Yoga. Das tuet mir ä sooo guet. Dr Atem u dr Schnuuf isch ja o so essentiell für üsi Gsundheit, das wird völlig ungerschetzt weisch.“

„Absolut Käthy, absolut.“

„Auso Vreni mir gseh üs, i würd vorschla ds nächscht mau nid hie, sondern bi mir, im Chämmerli unge, isch guet he?“

„Deal Käthy, Deal. I bi scho ganz chribbelig u chas chuum erwarte. Bis gly, Zwinker-zwinker.“

PS. An alle „Käthy’s“ und „Vreni’s“ da draußen, ich kenn auch das Ein oder Andere, meist herzensgute Menschen. Nehmt’s nicht persönlich, Zwinker-Zwinker.